مجھے ایک دو دن میں مر تضیٰ بھٹو کی طرح قتل کرانے کا منصوبہ ہے، عمران خان

23 مارچ ، 2023

لاہور (خصوصی رپورٹر،مانیٹرنگ سیل) چیئرمین پی ٹی آئی عمران خان نے کہا مجھے ایک دو دن میں مرتضیٰ بھٹوکی طرح قتل کرانے کا منصوبہ ہے،پولیس پہلے اپنے5اہلکارقتل کرکے ہمارے لوگوں کا خون بہائے گی پھر مجھے بھی مار دینگے،تمام مقدمات میں میری ضمانت ہوچکی،پھر بھی اگر پولیس وارنٹ لاتی ہے تو آجائے،گرفتاری دیدوں گا۔زمان پارک میں ویڈیو لنک کے ذریعے خطاب کرتے ہوئے عمران خان نے مزید کہا کہ آج پارلیمنٹ کامشترکہ اجلاس ہورہاہے، انکی کوشش ہوگی پی ٹی آئی کوالیکشن سےباہرکیاجائے، انکوخطرہ ہےالیکشن ہوگیاتوان کی سیاست ختم ہوجائےگی،انہوں نےزمان پارک پرایسے حملہ کیاجیسےکوئی دہشت گردچھپاہو، جگہ جگہ ناکےلگائےگئے،کارکنوں کوریلی سےالگ کیاگیا، ہمارے کارکنوں کوپکڑاجارہاہے، عدالت کےباہرپہنچاتوپولیس نےچھت سےپتھراؤ کیا، 40منٹ سےزیادہ عدالت کے دروازے پر کھڑا رہا تاکہ اندرجاسکوں، جوڈیشل کمپلیکس میں گرفتاری کیلئے ذہنی طورپرتیارہوکرگیاتھا، اسلام آباد کی عدالت نہ پہنچنےپر مجھ پرتوہین عدالت کاکیس ہوا، مجھےاپنے کیسزکی کوئی فکرنہیں۔عمران خان نے بتایا کہ مجھے خود پولیس سے معلومات ملیں وہاں نامعلوم افرادموجودتھے جنہوں نےسی ٹی ڈی کی وردی پہن رکھی تھی، انکااب ایک اورپلان ہے جو آئی جی پنجاب،آئی جی کےپی اورہینڈلرزنےمل کربنایاہے،ہوسکتاہےیہ آج شام یاکل زمان پارک میں دوبارہ آپریشن کریں، آئی جی پنجاب اور آئی جی اسلام آباد نے2سکواڈبنائےہیں جوہمارےلوگوں میں شامل ہوکر پولیس والوں پر فائرنگ کریں گے جس کے نتیجے میں چار پانچ پولیس والے مارے جائیں گے، اس حملے کے جواب میں پولیس کی جانب سے فائرنگ ہوگی اور سانحہ ماڈل ٹاؤن کی طرح ہمارے لوگوں کا خون بہایا جائے گا، پولیس والے اس کے بعد میرے گھر تک پہنچیں گے اور پھر مجھے مرتضیٰ بھٹو کی طرح قتل کردیا جائے گا۔ انہوں نے کہا کہ یہ جتنا اشتعال دلائیں کارکنوں نےکوئی ردعمل نہیں دینا، میرےخلاف کوئی نیاوارنٹ بھی لےکرآئیں توکارکن گھر کے اندرآنےدیں، میں اپنے لوگوں سے درخواست کرتا ہوں کہ آپ نے کسی کے کہنے پر اشتعال میں نہیں آنا،اپنے لوگوں کو مرنے نہیں دوں گا، مجھے اپنے کیسز نہیں کارکنان کی فکر ہے، عدلیہ ہمارے حقوق کی حفاظت کرے،ہفتےکی رات مینارپاکستان پرجلسہ ہوگا، اگریہ ملک پربیٹھےرہے توآپ کاکوئی مستقبل نہیں، جتنےپیسےہم نے آئی ایم ایف سےلینےہیں اس سے زیادہ ان کےباہرپڑےہیں، سینیٹ میں اسحاق ڈارنےنیوکلیئرپروگرام کوآئی ایم ایف سےجوڑدیا۔