وزیراعلیٰ پنجاب کا جناح ہسپتال کا اچانک دورہ ، مریضوں میں گھل مل گئے

لاہور (نمائندہ خصوصی) وزیراعلیٰ پنجاب محسن نقوی نے گزشتہ روز جناح ہسپتال کا اچانک دورہ کیا، ایمرجنسی میں مریضوں کی عیادت کی اور طبی سہولتوں کا جائزہ لیا، مریضوں میں گھل مل گئے مریضوں اور تیمارداروں سے علاج معالجے کی سہولتوں کے بارے پوچھا اور مریضوں کی بہترین دیکھ بھال کی ہدایت کی۔ کمیٹی روم میں جاری اجلاس میں بھی شرکت کی۔جناح ہسپتال میں مریضوں کے ڈائیلسز پروگرام کے بارے میں بھی وزیراعلیٰ کو آگاہ کیا گیا۔وزیراعلیٰ محسن نقوی نے کہاکہ نجی شعبے کے تعاون سے ہسپتالوں میں علاج معالجے اور دیگر سہولتوں کو بہتر بنایاجائے گا۔گوہر اعجاز نے جناح ہسپتال میں دکھی انسانیت کی خدمت میں مثال قائم کی ہے۔ وزیر اعلی محسن نقوی نے پرنسپل علامہ اقبال میڈیکل کالج،ایم ایس ہسپتال اور فیکلٹی ممبرز سے بھی ملاقات کی۔صوبائی وزیر سپیشلائزڈ ہیلتھ کیئر اینڈ میڈیکل ایجوکیشن ڈاکٹر جاوید اکرم،معروف سماجی وکاروباری شخصیت گوہر اعجاز، سیکرٹری سپیشلائزڈ ہیلتھ کیئر اینڈ میڈیکل ایجوکیشن،پرنسپل علامہ اقبال میڈیکل کالج اور متعلقہ حکام نے اجلاس میں شرکت کی۔