پرواز میں لینڈنگ کے دوران ہنگامی صورتحال

25 مارچ ، 2023

کراچی( افضل ندیم ڈوگر) جرمنی سے بھارتی شہر بنگلور پہنچی پرواز میں لینڈنگ کے دوران ہنگامی صورتحال پیدا ہوگئی۔ ایوی ایشن ذرائع کے مطابق فرینکفرٹ ایئرپورٹ سے لفتھنسا ایئر کی کارگو پرواز ایل ایچ 8474 نے 23 مارچ کی رات مقامی وقت کے مطابق 10:26 بجے ٹیک آف کیا۔ بوئنگ 777 طیارہ بھارت کے بینگلور انٹرنیشنل ایئرپورٹ پر لینڈنگ اپروچ پر 11500 فٹ کی بلندی 700 کلومیٹر فی گھنٹہ سے زائد کی رفتار پر تھا کہ ایئر ٹریفک کنٹرول کو طیارے کے کاک پٹ سے ہنگامی صورتحال کے سگنل موصول ہوئے۔ ایئر ٹریفک کنٹرول کی جانب سے پائلٹ کو اسی پوزیشن پر لینڈنگ کی ہدایت کی۔ طیارہ سگنل ملنے کے 10 منٹ بعد مقامی وقت کے مطابق صبح 11 بجکر 6 منٹ پر بحفاظت لینڈ کرگیا۔