لاہور ہائیکورٹ ،رمضان المبارک میں ریسٹورنٹ کے اوقات کار تبدیل کرنے کا حکم

لاہور(کورٹ رپورٹر) لاہور ہائیکورٹ کے جسٹس شاہد کریم نے سموگ کی روک تھام کے حوالے سے متفرق درخواستوں پر سماعت کرتے ہوئے ریسٹورینٹ افطاری سے صبح چھ بجے تک کھولنے کا حکم دے دیا،عدالت نے رمضان المبارک کے پیش نظر ریسٹورینٹ کا اوقات کار تبدیل کرنے کا حکم دے دیا، عدالت نے انڈسٹریز کے خلاف کارروائی کرنے کا حکم دے دیا،عدالت نے کہا کہ ان انڈسٹریز کے خلاف کارروائی کی جائے جنکا گندا پانی دریا میں جا رہاہے، گندا پانی اسطرح دریاؤں میں جا رہا ہے وہی پانی فصلوں میں لگایا جارہا ہے، اس پانی سے سبزیاں اگائی جارہی ہیں،متعلقہ علاقے کے بچوں کی گروتھ نہیں ہو پارہی ایسی رپورٹس سامنے آئی ہیں،ریسٹورینٹ کا ایشو آ رہاہے گیارہ بجے بند کیا جائے تو سحری کا وقت کیسے اوپن کیا جائے۔