ہر ہفتے مہنگائی کا نیا ریکارڈ قائم ہورہا ہے، اسد عمر

اسلام آباد،لاہور (خبر نگار،این این آئی) پاکستان تحریک انصاف کے مرکزی سیکرٹری جنرل اسد عمر نے کہا ہے کہ جابر لوگوں نے سفید پوش لوگوں کو بھی آٹے کیلئے لائنوں میں کھڑا کر دیا ہے۔ ایک ٹویٹ میں انہوں نے لکھا کہ سفید پوش لوگ آٹے کے لئے لائنوں میں کھڑے دھکے کھا رہے ہیں، پانچ لوگ آٹے کے لئے کھڑے اپنی زندگی کھو بیٹھے ہیں، ان جابر لوگوں نے ملک کا کیا حال کیا ہے۔اسد عمر نے کہا ہے کہ سمجھ سے باہر ہے غریب اور سفید پوش کا کیا بنے گا۔ایک بیان میں انہوں نے کہا کہ ہر ہفتے پاکستان میں مہنگائی کا نیا ریکارڈ قائم ہو رہا ہے۔اس ہفتے تاریخ کی سب سے زیادہ 46.7 فیصد مہنگائی کی شرح ہے۔