زرمبادلہ کے ذخائر280 ملین اضافے کے بعد 10.139 ارب ڈالرہوگئے

اسلام آباد(اے پی پی)زرمبادلہ کے ذخائر 280 ملین ڈالرکے اضافہ کے بعد10.139ارب ڈالر ہوگئے ہیں۔ سٹیٹ بینک کی جانب سے اس حوالہ سے جاری کردہ اعدادوشمار کے مطابق 17مارچ کوختم ہونے والے ہفتہ میں سٹیٹ بینک کے پاس زرمبادلہ کے ذخائر کا حجم 4.598 ارب ڈالر اور کمرشل بینکوں کے پاس5.540ارب ڈالر ریکارڈ کیا گیا۔سٹیٹ بینک کے مطابق17مارچ 2023 کو سٹیٹ بینک کو حکومت پاکستان کے کمرشل قرضوں کی تقسیم کی مدمیں 500 ملین ڈالرموصول ہوئے، بیرونی قرضہ کی ادائیگی کے بعدسٹیٹ بینک کے پاس زرمبادلہ کے ذخائر 280 ملین ڈالرکے اضافہ کے بعد 4.598 ارب ڈالر ہو گئے ہیں۔