حکومت آزاد کشمیر نے آٹا کنٹریکٹرز کی ہڑتال ختم کر ا دی

مظفرآباد(جنگ نیوز)وزیر اعظم آزاد کشمیر ،وزیر خوراک ،سیکرٹری خوراک نے فوری نوٹس لیتے ہوئے آٹا کنٹریکٹرز کی بلا جواز غیر قانونی ہڑتال ختم کروا دی ٗ محکمہ خوراک کی جانب سے عوام کو سرکاری حفظان صحت کے اصولوں پر تیار کردہ سستا آٹا ملنا شروع ہو گیا ،عوام نے سکھ کا سانس لیا، تفصیلات کے مطابق حکومت اور محکمہ خوراک کی جانب سے عوام کو ماہ مقدس میں زندگی کی بنیادی سہولیات آٹا فراہمی کیلئے بھر پور اور جاندار کوشش رنگ لائی،آزاد کشمیر بھر میں آٹا کنٹریکٹرز کی جانب سے بلا جواز غیر قانونی ہڑتال و احتجاج کے بعد مصنوعی آٹا بحران پیدا کرنے کی کوشش کو ناکام بنا دیاگیا ٗ ریاست بھر سمیت دارلحکومت اور قرب و جوار کے علاقوں میں آٹا کی ترسیل شروع کر دی گئی ٗ گزشتہ روز عوام الناس کو 1280روپے کے حساب سے وافر آٹا مہیا کرنے کا عمل شروع کر دیا گیا جس پر عوام نے وزیر اعظم آزاد کشمیر سمیت محکمہ خوراک کے ارباب اختیار و دیگر کو شاندار الفاظ میں خراج تحسین پیش کیا ہے۔