سعودی عرب اور چین مشترکہ سیاحتی منصوبوں کے آغاز پر متفق

بیجنگ (اے پی پی)سعودی عرب اور چین مشترکہ سیاحتی منصوبوں کے آغاز پر متفق ہو گئے ہیں۔ عرب نیوز کے مطابق سعودی محکمہ سیاحت کی مجلس انتظامیہ کے ایگزیکٹو چیئرمین فہد حمید الدین اورچین کے نائب وزیر ثقافت وسیاحت نے بیجنگ میں سعودی سفیرعبدالرحمن الحربی کی موجودگی میں ملاقات کے دوران مشترکہ تعاون کے کئی پہلوؤں اور سیاحت کے شعبے میں سٹریٹجک شراکت کے استحکام پر تبادلہ خیال کیا ۔انہوں نے متعلقہ عالمی تنظیموں کے ذریعے بین الاقوامی کوششوں اور تصورات میں یکسانیت لانے کی اہمیت کو اجاگر کیا۔ اس موقع پر دسمبر 2022 کے دوران چینی صدر کے دورہ مملکت کے نتائج کا تذکرہ بھی کیا گیا۔ اس امر کا اعادہ کیا گیا کہ چینی صدر کے دورے کے موقع پر اس امر سے اتفاق کیا گیا تھا کہ سعودی عرب چین کے لیے اہم سیاحتی ملک ہوگا۔