افغان طالبان سے کہیں گے لڑکیوں کوسکول جانے دیں؟ عمران کادوٹوک جواب سے گریز

لاہور(مانیٹر نگ سیل)تحریک انصاف کے چیئرمین و سابق وزیراعظم عمران خان کابرطانوی ٹی وی کو انٹرویو میں سوال افغان طالبان سے کہیں گے کہ لڑکیوں کوسکول جانے دیں؟ کادوٹوک جواب دینے سے گریز۔عمران خان کا کہنا تھا کہ وہ افغان کردار کو مغربی ممالک سے زیادہ جانتے ہیں، طالبان کا پیسہ منجمد کرکے اس وقت مغرب نے انہیں تنہا کر دیا ہے۔برطانوی صحافی کے اس سوال پر کہ کیا وہ افغان طالبان سے کہیں گے کہ وہ بچیوں کو اسکول جانے دیں؟ اس پر انہوں نے جواب دیا کہ افغان یہ پسند نہیں کرتے کہ انہیں بتایا جائے کہ کیا کرنا ہے۔عمران خان نے طالبان کی مذمت کرنے سے انکار کرتے ہوئے کہا کہ جب آپ طالبان کو تنہا کردیں گے تو وہ کسی کی بھی بات کیوں سنیں گے؟ان کا مزید کہنا تھاکہ سیاسی فریق سمجھتے ہیں، ایٹمی پروگرام محفوظ رکھنا ضروری ہے، فکر ہے ہم اسوقت مارشل لا کی طرف بڑھ رہے ہیں، انتخابات ملتوی کرنیکا مطلب ہے آئین سے آگے جانا۔