پشاور، انسداد دہشتگردی عدالت ،توہین رسالت کے مجرم کو سزائے موت کا حکم

پشاور(نیوزرپورٹر) پشاور میں انسداد دہشتگردی عدالت نے سوشل میڈیا پرتوہین رسالت پر مبنی گستاخانہ مواد شیئر کرنے کے مقدمہ میں گرفتار ملزم کو جرم ثابت ہونے پر سزائے موت کاحکم دیدیا ۔ سیکورٹی خدشات کے پیش نظر ملزم کا ٹرائل سنٹرل جیل پشاور میں چلایا گیا جہاں فاضل جج گزشتہ روز کیس کا مختصر فیصلہ سنادیاہے۔ تلہ گنگ کے شہری محمد سعید کی درخواست پر ایف آئی اے کی انسداد دہشتگردی ونگ نے 27 اکتوبر 2021 کو295A،295C، 298A، الیکٹرانک کرائمز ایکٹ2016 اور 7ATAسمیت دیگر دفعات کے تحت مقدمہ درج کیا جس کے بعد ملزم کو گرفتار کیاگیا۔ سیکورٹی خدشات کے پیش نظر ملز م کا ٹرائل سنٹرل جیل پشاور میں کیاگیا۔ واضح رہے کہ ملزم کے خلاف 26 فروری کوفیصلہ محفوظ کرلیا گیا تھا جو گزشتہ روز انسداد دہشتگردی کی عدالت نمبر 3پشاور نے سنادیاہے۔