روشن ڈیجیٹل اکائونٹس:ترسیلات زر کا حجم 5.8 ارب ڈالرہو گیا

اسلام آباد(اے پی پی) روشن ڈیجیٹل اکائونٹس کے ذریعے اوورسیزپاکستانیوں کی ترسیلات زر کا حجم 5.8 ارب ڈالر تک پہنچ گیا، ان اکائونٹس کے ذریعےاوورسیزپاکستانیوں نے اب تک مجموعی طور پر 3.7 ارب ڈالر کی سرمایہ کاری کی ہے۔ سٹیٹ بینک کے مطابق ستمبر 2020 سے اب تک اوورسیز پاکستانیوں نے روشن ڈیجیٹل اکائونٹس کے ذریعے مجموعی طورپر5.811 ارب ڈالر کا زرمبادلہ ارسال کیا ہے۔ فروری میں ان اکائونٹس کے ذریعے 125 ملین ڈالر کا زرمبادلہ بھیجا گیا ۔ فروری میںروشن ڈیجیٹل کے اکائونٹس میں 11854 کا اضافہ ہوا ،مجموعی کھاتہ داروں کی تعداد 536676 ہو گئی۔ ان اکائونٹس کے ذریعے نیاپاکستان روایتی سرٹیفکیٹس میں 1.833 ارب ڈالر ، نیاپاکستان اسلامی سرٹیفکیٹس میں 1.822 ارب ڈالر اور سٹاک ایکسچینج میں 49 ملین ڈالر کی سرمایہ کاری کی ہے۔