نگران وزیر اعلیٰ پنجاب کی تعیناتی کیخلاف دائر درخواست پر سماعت آج

لاہور (اے پی پی) لاہور ہائیکورٹ میں نگران وزیر اعلی پنجاب محسن نقوی کی تعیناتی کیخلاف سابق وفاقی وزیر داخلہ شیخ رشید احمد کی متفرق درخواست پر سماعت کل پیر کو کی جائے گی۔لاہور ہائیکورٹ کے جسٹس شاہد کریم درخواست پر سماعت کرینگے۔ ایڈووکیٹ اظہر صدیق کی وساطت سے دائر متفرق درخواست میں شیخ رشید احمد نے موقف اختیار کیا ہے کہ نگران حکومت 90 دن کیلئے آئی ہے اور عدالت میں ابھی تک جواب جمع نہیں کروایا گیا متفرق درخواست میں موقف اختیار کیا گیا ہے کہ نگران وزیراعلی پنجاب کی تعیناتی کیخلاف درخواست پر 3 فروری کو نوٹس جاری ہوئے۔