پنجاب، کے پی میں انتخابات کیس کی سماعت اسی ہفتے ہوگی

اسلام آباد (این این آئی)پنجاب اور خیبرپختونخوا میں انتخابات سے متعلق کیس کی سماعت سپریم کورٹ میں آئندہ ہفتے ہوگی اس سلسلے میں سپریم کورٹ نے تحریک انصاف کی درخواست کو نمبر الاٹ کردیا ہے۔رہنما پاکستان تحریک انصاف اسد عمر نے کہا کہ الیکشن کمیشن نے اپنے مینڈیٹ کی خلاف ورزی کی ہے، 30 اپریل کو ہی انتخابات کرانے کا حکم دیا جائے۔ پی ٹی آئی نے پنجاب کے الیکشن ملتوی کرنے پر الیکشن کمیشن کے خلاف سپریم کورٹ سے رجوع کیا تھا۔سماجی رابطے کی ویب سائٹ ٹوئٹر پر اپنے بیان میں اسد عمر کا کہنا تھا کہ الیکشن کمیشن کے خلاف پٹیشن سپریم کورٹ میں جمع کرادی گئی ہے۔