اسرائیل نے جاسوس سیٹلائٹ اوفیک 13لانچ کر دیا

تل ابیب(این این آئی)اسرائیل نے جاسوس سیٹلائٹ اوفیک 13لانچ کر دیا۔اسرائیل کی جانبسے لانچ کردہ سیٹلائٹ کو فوج کے انٹیلی جنس ڈویژن کے زیر انتظام چلنے والے اوفیک سیٹلائٹ کے بیرے میں شامل کر دیا گیا۔ اس سیٹلائٹ کا وزن تقریبا 3 سو کلو گرام ہے۔رپورٹ کے مطابق اوفیک 13 جب زمین کے گرد مدار میں داخل ہوتا ہے تو اس کی کارکردگی کی سطح کی تصدیق کرنے کے لیے اسے ٹیسٹوں کی سیریز سے گزارا جاتا ہے۔رپورٹ میں سیٹلائٹ اور اسے لے جانے والے 3 مراحل والے راکٹ کے متعلق مزید معلومات بھی فراہم کی گئی ہیں۔