نیپرا نے بجلی صارفین پر 3 روپے 23 پیسے مستقل سرچارج عائد کردی

اسلام آباد ( نمائندہ جنگ)بجلی صارفین کو ایک اور زور کا جھٹکا بجلی کمپنیوں کی نااہلی کا بوجھ عوام سے وصول کرنے کا فیصلہ نیپرا نے بجلی صارفین پر335ارب روپے کا اضافی بوجھ ڈالنے کی منظوری دے دی ۔نیپرا نے حکومتی درخواست پر اپنا فیصلہ وفاقی حکومت کو بھجوا دیا ۔بجلی صارفین پر 3 روپے 23 پیسے فی یونٹ مستقل سرچارج عائد کرنے کی منظوری دے دی ۔بجلی کی قیمت میں اضافی سرچارج آئندہ مالی سال سے لگایا جائے گا فیصلہ کیا گیا ہے۔ اضافی سرچارج کا اطلاق گھریلو صنعتی کمرشل اور زرعی صارفین پر بھی ہوگا۔ اضافی سرچارج کا اطلاق کے الیکٹرک صارفین پر بھی ہوگا۔اس سال جون تک حکومت 3 روپے 82 پیسے فی یونٹ اضافی سرچارج وصول کرے گی ۔آئندہ مالی سال سے 3 روپے 23 پیسے فی یونٹ سرچارج وصول کیا جائے گا۔