حکومت کی الیکٹرانک سگریٹس بیچنے کی مشروط اجازت

کراچی(این این آئی)وزارت صحت نے عام سگریٹس کے بعد الیکٹرانک سگریٹس کے بھی مارکیٹ میں عام فروخت کی مشروط اجازت دے دی۔دوسری جانب طبی ماہرین نے فیصلے پر شدید تحفظات کا اظہار کرتے ہوئے کہا ہے کہ ٹوبیکو ہیٹڈ پروڈکٹس بھی عام سگریٹس کی طرح ہی مضر صحت ہیں۔تفصیلات کے مطابق الیکٹرانک سگریٹ، سگار، وہیپ یعنی پاکٹ سائز شیشہ، اب سگریٹ پان کی دکانوں پر کھلے عام فروخت ہو سکیں گے جس کی وزارت صحت نے بھی مشروط اجازت دے دی ہے۔وزارت صحت کے مطابق تمباکو ہیٹڈ پروڈکٹس کیلئے ان کے 65 فیصد حصے پر مضر صحت کی وارننگ شائع کرنا لازم قرار دی گئی ہے، فیصلہ تمباکو نوشی کی تمام اقسام کو ضابطے کے تحت لانے کیلئے کیا گیا ہے۔وزارت صحت حکام کے مطابق عالمی ادارہ صحت کا تمباکو کنٹرول سے متعلق کنونشن بھی تمباکو پر پابندی یا اسے ریگولرائز کرنے کی اجازت دیتا ہے۔