سگریٹ پر ایف ای ڈی حکومت کا بہترین فیصلہ ہے،محنت کش لیبر فیڈریشن

اسلام آباد(خصوصی نامہ نگار) محنت کش لیبر فیڈریشن کے صدر ابراراللہ نے کہا ہے کہ سگریٹ ڈبی پر فیڈرل ایکسائز ڈیوٹی حکومت کا بہترین فیصلہ ہے، ملٹی نیشنل کمپنیاں غلط اعداد و شمار پیش کرکے مقامی تمباکو صنعت کو ختم کرنا چاہتی ہیں،ملٹی نیشنل کمپنیاں نامعلوم کاشتکاروں کے نام سے پریس کانفرنس نشر کرکے حکومت پر دبائو ڈالنے کی ناکام کوشش کر رہی ہیں تاکہ تمباکو مارکیٹ پر ملٹی نیشنل کمپنیاں قابض رہیں، کاشتکار کسی طرح سگریٹ ڈبی پر نافذ فیڈرل ایکسائز ڈیوٹی کو تمباکو پتے پر منتقل کرنے کی اجازت نہیں دیں گے کیونکہ تمباکو پتے پر ٹیکس سے مقامی صنعت کار ختم اور کاشتکار و مزدور بے روزگار ہو جائیں گے، تمام کاشتکار ملٹی نیشنل کمپنیوں کا بائیکاٹ کریں گے اور بھرپور مزاحمت کریں گے،صدر محنت کش لیبر فیڈریشن ابراراللہ نے سیکرٹری کسان بورڈ پاکستان عبدالصمد صافی،چئیرمین ٹوبیکو گرورز ایسوسی لیاقت یوسف زئی، جنرل سیکرٹری سرحدایگریکلچرل اینڈ رورل ڈیویلپمنٹ ارگنائزیشن حسین آحمد ،صدر انجمن تحفظ حقوق کاشت کاران نعمت شاہ روغانی سمیت دیگر کے ہمراہ نیشنل پریس کلب اسلام آباد میں پریس کانفرنس کرتے ہوئے بتایاکہ سگریٹ پر فیڈرل ایکسائز ڈیوٹی کے نفاذ سے معیشت مضبوط ہوگی ،کاشتکار پہلے سے تباہ حال ہیں مزید گنجائش کاشتکار میں نہیں،کاشتکار سگریٹ ڈبی پر نافذ فیڈرل ایکسائز ڈیوٹی کو تمباکو پتے پر منتقل کرنے کی اجازت نہیں دینگے۔