اے این ایف کی کاروائیاں، 6 ملزمان گرفتار، منشیات برآمد

کراچی( اسٹاف رپورٹر) اینٹی نارکوٹکس فورس نے کراچی کے علاقے کورنگی کے قریب واقع نجی کوریئر آفس میں دبئی بھیجے جانیوالے پارسل سے 40 گرام چرس برآمد کر لی،برآمد شدہ منشیات کو ویسٹ کوٹ/واسکٹ میں چھپایا گیا تھا ۔اسلام آباد انٹرنیشنل ایئرپورٹ فلائٹ نمبر QR 633 سے قطرجانے والے ملزم کے پیٹ سے 53 ہیروئن بھرے اور 36 چرس بھرے کیپسولز برآمد کر کے نارووال کے رہائشی ملزم کوگرفتار کرلیا ۔اٹک جی ٹی روڈ کے قریب کارروائی کرتے ہوئے اٹک کے رہائشی ملزم سے 2 کلو 400 گرام چرس برآمد کی گئی۔اے این ایف اور اے ایس ایف کی فیصل آباد ایئرپورٹ پر مشترکہ کارروائی،فلائٹ نمبر GF 791 سے بحرین جانے والےملزم کے بیگ سے 1 کلو 850 گرام آئس برآمد کر کے ساہیوال کے رہائشی ملزم کو گرفتار کر لیا۔