الیکشن کمیشن نگراں حکومت کیخلاف کوئی بھی کمزور شکایت نہیں سنے گا

اسلام آباد(محمد صالح ظافر) الیکشن کمیشن آف پاکستان نگراں حکومت کے خلاف کسی بھی شکایت پر جائزہ لے گا تاہم اس کیلئے ٹھوس وجوہات کا ہونا ضروری ہے۔ ایک ذریعہ نے پی ٹی آئی کے عہدیدارن کی جانب سے شکایت کے حوالے سے بتایا کہ الیکشن کمیشن ایسی کوئی بھی شکایت نہیں سنے گا جس میں کمزور الزامات لگائے گئے ہوں۔ پی ٹی آئی نے دعویٰ کیا ہے کہ اس کے لاہور کے مقامی صدر شیخ امتیاز محمود نے پنجاب کی نگراں حکومت کیخلاف الیکشن کمیشن سے رابطہ کیا ہے اور انہیں عہدے سے ہٹانے کا مطالبہ کیا ہے۔ ذرائع نے بتایا کہ پی ٹی آئی نے الیکشن ایکٹ اور آئین کی شقوں کو اٹھایا ہے تاہم اس حوالے سے کوئی ٹھوس وجہ یا شواہد فراہم نہیں کئے۔