سپریم کورٹ، آئندہ ہفتے کیلئے کازلسٹ اورججز روسٹر جاری، 7بنچز تشکیل

اسلام آباد ( آن لائن ) سپریم کورٹ پرنسپل سیٹ اسلام آباد کیلئے آئندہ ہفتے کی کاز لسٹ اور ججز روسٹر جاری کردی گیا، آئندہ ہفتے پرنسپل سیٹ پر 7بنچز مقدمات کی سماعت کرینگے۔ سپریم کورٹ میں آئندہ ہفتے سات بنچز معمول کے مطابق مقدمات کی سماعت کرینگے۔ بنچ ایک چیف جسٹس عمر عطا بندیال،جسٹس یحییٰ آفریدی اور جسٹس اطہر من اللہ، بنچ دو میں جسٹس قاضی فائز عیسی اور جسٹس محمد علی مظہر، بنچ تین جسٹس سردار طارق مسعود اور جسٹس امین الدین خان پر مشتمل ہوگا۔ بنچ چار میں جسٹس اعجازالاحسن اور جسٹس شاہد وحید، بنچ پانچ جسٹس منصور علی شاہ اور جسٹس عائشہ ملک، بنچ چھ میں جسٹس منیب اختر اور جسٹس مظاہر علی اکبر نقوی، بنچ سات جسٹس جمال خان مندوخیل اور جسٹس حسن اظہر رضوی پر مشتمل ہوگا۔