جاپان،18سے 29سال کی عمر کے 49.4فیصد افراد بچے کے خواہشمند نہیں

ٹوکیو(جنگ نیوز)جاپان میں ایک دوا ساز کمپنی کے حالیہ سروے میں 30سال سے کم عمر کے تقریبا نصف غیر شادی شدہ افراد نے معاشی خدشات اور بچے کی پیدائش اور پرورش کے بوجھ سمیت دیگر وجوہات بتاتے ہوئے کہا ہے کہ وہ بچے نہیں چاہتے۔18سے 29سال کی عمر کے 400افراد میں سے 49.4فیصد نے کہا کہ وہ بچے پیدا کرنے میں دلچسپی نہیں رکھتے جو روہٹو فارماسیوٹیکل کمپنی لمیٹڈ کی طرف سے کئے گئے پچھلے تین سالانہ حمل وائٹ پیپر سروے میں سب سے زیادہ شرح ہے۔جنوری میں کئے گئے آن لائن سروے کے مطابق صنفی لحاظ سے 53 فیصد مرد اور 45.6فیصد خواتین کو والدین بننے میں کوئی دلچسپی نہیں ہے۔حکومت کے اعداد و شمار سے پتہ چلتا ہے کہ 2022 میں جاپان میں پیدا ہونے والے بچوں کی تعداد پہلی بار 8 لاکھ سے کم ریکارڈ کی گئی جبکہ ریکارڈ مرتب کرنے کا عمل 1899 میں شروع ہوا تھا۔