لاہور(صباح نیوز)محکمہ انسداد دہشت گردی (سی ٹی ڈی)نے دہشت گردی کے خدشات کے پیش نظر پنجاب میں کارروائیاں کرتے ہوئے مختلف شہروں سے 8 دہشت گردوں کو گرفتار کرلیا،گرفتار ملزمان سے لٹریچر ، اسلحہ اور دھماکا خیزمواد برآمد ہوا۔سی ٹی ڈی حکام کے مطابق پنجاب میں خفیہ آپریشن کے دوران لاہور سمیت دیگر اضلاع سے8دہشت گرد گرفتار کئے گئے ہیں ۔ لاہور سے کالعدم تنظیموں سے تعلق رکھنے والے2ملزمان گرفتار ہوئے، گوجرانوالہ سے 4اور ڈی جی خان اور بہاولپورسے ایک،ایک دہشتگرد گرفتار ہوا۔ گرفتاردہشت گردوں سے دھماکا خیزمواد، ہینڈ گرینیڈ اور لٹریچر برآمد کیا گیا ہے ۔ گرفتار دہشت گردوں کیخلاف6ایف آئی آرزدرج کرکے کارروائی کا آغازکردیا گیا۔ترجمان سی ٹی ڈی کے مطابق دہشت گردوں کو مختلف اضلاع میں21کامبنگ آپریشنز کے دوران گرفتار کیا گیا۔