پولیس فائرنگ سے نوجوان جاں بحق ،چار اہل کاروں کیخلاف مقدمہ

راولپنڈی (سٹاف رپورٹر)تھانہ پیرودھائی کے علاقہ میں پولیس کی فائرنگ سے نوجوان جاں بحق ہوگیا،سی پی اوکے حکم پرچارپولیس اہل کاروں کے خلاف مقدمہ درج کرلیاگیا،واقعہ جمعہ اورہفتہ کی درمیانی شب پیش آیا ۔ا بتدائی طور پرپولیس نے واقعہ کو جوئے خانے پر ریڈکے دوران فائرنگ سے جوڑنے کی کوشش کی جس پرمقتول کےلواحقین نے احتجاج کیا ،جس کے بعدسی پی اونے چاروں اہل کاروں کومعطل کرکے قانونی کارروائی کاحکم دیا۔ پولیس کو افضال احمد نے بتایاکہ ڈھوک سیدوٹیکسلاکا سکونتی ہوں اور پیرودھائی میں اپنے بھانجوں کے ساتھ رہائش پذیر ہوں۔ جمعہ کی رات ساڑھے دس بجے میں اورمیرابھانجا فیصل اقبال اورمیرابھائی محمدفیاض مسلم آباد میں اپنے گھرکے باہرکھڑے تھے، ہمارے سے کچھ فاصلے پر روڈ کے دوسری طرف میرابھانجا باسط ولد راجہ محبت خان اوراس کے دوست محمداحسان اورمحمدذیشان کھڑے تھے کہ اتنے میں دوموٹرسائیکلوں پر پولیس محافظ کے چارجوان جن کے نام بعدمیں کانسٹیبل محمدشمریز ، کانسٹیبل صلاح الدین اورکانسٹیبل سیف معلوم ہوئے آئے اورباسط وغیرہ کے پاس رک کران کی تلاشی لینے لگے جس سے ان کی آپس میں توں تکرارہوگئی تومحمدشمریز محافظ پولیس نے اپنے پسٹل سے فائرکیا جوباسط کو لگا۔ اسے ہولی فیملی ہسپتال لے کرگئے جوزخموں کی تاب نہ لاتے ہوئے دم توڑگیا۔