ایک سال کےدوران مہنگائی12.7سے بڑھ کر35.37فیصد ہو گئی

اسلام آباد (عاطف شیرازی) ایک سال کے دوران مہنگائی کی شرح 12.7سے بڑھ کر35.37 فیصدپر پہنچ گئی،بنیادی اشیاء ضروریہ کی قیمتوں میں ہوشربا اضافہ رکارڈ کیا گیا،ایک سال میں کونسی چیز کتنی مہنگی ہوئی ادارہ شماریات نے اعدادوشمار جاری کردیئے جس کے مطابق چینی اوسط 36 روپے 45 پیسے فی کلو،آٹے کا 20 کلو کا تھیلاایک ہزار 544 روپے 72 پیسے اور ڈھائی کلو گھی کا ڈبہ اوسط 342روپے 57 پیسے مہنگا ہوا، زندہ مرغی کی قیمت میں اوسط111 روپے 7 پیسے،آلو 24 روپے 42 پیسے،پیاز 34 روپے 72 پیسے فی کلو اور کیلے کی فی درجن قیمت میں اوسط 110 روپے 24 پیسے اضافہ ہوا، انڈے 128 روپے 71 پیسے فی درجن مہنگے ہوئے،تازہ دودھ اوسط46 روپے 45 پیسے فی لٹر اور دہی 57 روپے 6 پیسے فی کلو مہنگا ہوا،،مٹن کی قیمتوں میں 256روپے 95 پیسے،بیف 108 روپے 23 پیسے،دال ماش 152روپے 71 پیسے،دال چنا 83 روپے،دال مونگ 113روپے 93 پیسے،دال مسور 60 روپے 84 پیسے اور لہسن کی قیمتوں میں فی کلو اوسط57 روپے 56 پیسے اضافہ ہوا اس عرصے میں 190 گرام چائے کا پیکٹ 252 روپے 66 پیسے اور نمک کا 800 گرام پیکٹ 17 روپے 50 پیسے مہنگا ہو جبکہ ایک سال میں ایل پی جی کے گھریلو سلنڈر کی قیمت میں اوسط 691 روپے 8 پیسے اضافہ ہوا۔