صدر کا بل پر دستخط نہ کرنا آئین سے انکار، PDM، ہر فیصلہ پارٹی کی نظر سے دیکھتے ہیں، PPP

اسلام آ باد، لاہور(خصوصی نمائندہ، وقائع نگار، نمائندہ جنگ ،نیوزایجنسیز)حکومت نےعارف علوی پرتنقیدکرتےہوئےکہاہےکہ ثابت ہوگیاآپ صدر مملکت نہیں پی ٹی آئی کےسیکرٹری جنرل ہیں،حافظ حمداللہ،شیری رحمٰن،فیصل کریم کنڈی اورطلال چودھری نےکہاکہ صدر نے ہمیشہ ڈاکیے کا کردار ادا کیا ، پارلیمنٹ کو قانون سازی نا سکھائیںبل پر اعتراضا ت میں کوئی وزن نہیں ،قانون سازی کااختیارپارلیمنٹ کونہیں توکیابنی گالہ کوہے ،پی ڈی ایم کےترجمان حافظ حمداللہ نےکہا ایوان صدر کو ڈاک خانہ سمجھ کر عمران خان کے مفادات کیلئے صدر عارف علوی نے ہمیشہ ڈاکیے کا کردار ادا کیا ہے۔اپنے ایک بیان میں حافظ حمداللہ نے کہا کہ صدر عارف علوی آئین شکن ہونے کے ساتھ ساتھ قاضی فائزعیسیٰ ریفرنس میں بد دیانت بھی ثابت ہو چکے ہو۔وفاقی وزیرشیری رحمٰن نےکہاکہ صدر عارف علوی نے سپریم کورٹ بل نظرثانی کیلئے واپس بھیج کر ثابت کر دیا وہ ملک کے صدر نہیں بلکہ ابھی بھی تحریک انصاف کے سیکرٹری جنرل ہیں،انہوں نے پارلیمنٹ کے ہر فیصلے کو تحریک انصاف کی نظر سے دیکھا ہے۔ ساڑھے تین سال وہ صدر ہائوس کو آرڈیننس فیکٹری کی طرح چلاتے رہے، وہ پارلیمنٹ کے اختیارات سے کیسے واقف ہو سکتے ہیں۔ صدر پارلیمنٹ کو قانون سازی نا سکھائیں، وزیر مملکت اور ترجمان پیپلزپارٹی فیصل کریم کنڈی نے کہا ہے کہ ڈاکٹر عارف علوی پارلیمنٹ کو آئین سازی کا سبق پڑھانے سے گریز کریں ، عمران رجیم کے دوران ڈاکٹر علوی بغیر پڑھے آرڈیننس پر انگوٹھے لگاتے رہے، عارف علوی نے ثابت کیا ہے کہ وہ ٹائیگر فورس کے نائب کپتان ہیں، ،رہنمامسلم لیگ(ن) طلال چودھری نے کہاکہ قانون سازی عمران خان کی انّا اور حکم کے تابع نہیں ہو سکتی ،قانون بھی بنے گا انشاء اللہ اور عدل کے حصول میں ترمیم بھی ہو گی ،پارلیمنٹ کے پاس قانون سازی کا اختیار نہیںتو کیا بنی گالہ اور زمان پارک کے پاس ہے، سیاسی سانسیں بند ہونے والے دوسروں کو بھاشن نہ دیں ،سیاسی وفاداری بیچنے والے لوٹوں کی کانپیں ٹانگ رہی ہیں ، ،ڈاکٹر علوی نے ایوان صدر زمان پارک اور بنی گالہ سمجھا ہوا ہے۔