توشہ خانہ کیس‘ عمران خان کو دوبارہ نوٹس جاری

09 اپریل ، 2023

اسلام آباد (خصوصی رپورٹ) ایڈیشنل ڈسٹرکٹ اینڈ سیشن جج ظفر اقبال نے توشہ خانہ کیس میں جلد سماعت کے لئے دائر متفرق درخواست میں عمران خان کو نوٹس موصول نہ ہونے کے باعث دوبارہ نوٹس جاری کر دیئے۔ ہفتہ کو سماعت کے دوران الیکشن کمیشن کے وکیل امجد پرویز عدالت میں پیش ہوئے، دوران سماعت پولیس کی جانب سے نوٹس کی تعمیل کی رپورٹ عدالت میں جمع نہیں کروائی جا سکی ، جس پر عدالت نے نوٹس کی تعمیلی رپورٹ جمع ہونے تک سماعت میں وقفہ کر دیا، دوبارہ سماعت شروع ہونے پر پی ٹی آئی کے جونیئر وکیل عدالت میں پیش ہوئے اور بتایا کہ ہمارے کسی سینئر وکیل اور نہ ہی عمران خان کو نوٹس کی تعمیل ہوئی، عدالت نے فریقین کو دوبارہ نوٹس جاری کرتے ہوئے سماعت 11 اپریل تک ملتوی کر دی۔