عوام سے پٹرول ، ڈیزل پر 50 روپے لیوی کی وصولی

کراچی(این این آئی)عوام پٹرول اورڈیزل پرفی لیٹرکتنا ٹیکس دیتے ہیں،تفصیلات سامنے آگئیں۔ دستا ویزات کے مطابق حکومت پٹرول اور ڈیزل پرلیوی کی مد میں 50،50فی لیٹر وصول کررہی ہے۔پٹرول کی اصل قیمت 217روپے فی لیٹرپر50روپے لیوی عائد ہے۔ پٹرول پرفریڈ مارجن 2.26 روپے اورڈسٹری بیوشن مارجن 6 روپے فی لیٹرہے۔دستاویزات کے مطابق ،پٹرول پر ڈیلرز مارجن کی مد میں 7 روپے فی لیٹر ٹیکس عائد ہے۔ڈیزل کی اصل قیمت 234 روپے فی لیٹرپر50 روپے فی لیٹرلیوی عائد ہے،ڈیزل پرفی لیٹرڈسٹری بیوشن مارجن 6.32 روپے ڈیلرزمارجن 7 روپے ہے۔واضح رہے کہ عالمی مارکیٹ میں گرتی قیمتیں بھی پاکستانیوں کے لئے ریلیف کا باعث نہ بن سکیں۔