پی آئی اے کے 2اے ٹی آر طیاروں کے حادثات، ایئرلائن انتظامیہ کی نااہلی قرار

کراچی(این این آئی)پی آئی اے کے دو اے ٹی آر طیاروں کے حادثات کو ایئرلائن انتظامیہ کی نااہلی قرار دیا گیا ہے۔تفصیلات کے مطابق آڈٹ رپورٹ میں بتایا گیا ہے کہ گلگت ایئرپورٹ پر ان حادثات سے ایئرلائن کو دو ہزار ملین سے زائد کا نقصان ہوا، انتظامیہ کی نااہلی سے حادثات کا انکشاف آڈیٹر جنرل کی رپورٹ 2021-22 میں کیا گیا ہے۔رپورٹ کے مطابق اے ٹی آر کے حادثات سے مجموعی طور پر ایئرلائن کو 2 ہزار 796 ملین سے زائد کا نقصان ہوا ہے جبکہ ایئرپورٹ پر 24 نومبر 2018 کو اے ٹی آر طیارہ حادثے سے 10.1398 ملین نقصان ہوا۔آڈٹ رپورٹ میں بتیا گیا ہے کہ سی اے اے تحقیقاتی رپورٹ میں حادثات کی مختلف وجوہات بیان کی گئیں۔آڈیٹرزنے بتایاکہ درکار مینٹیننس کے متعلقہ آلات میں خرابی، ایئرلائن مینٹینس کریو میں پروفیشنلزم کی کمی درج کی گئی ہے۔