روایتی مقامی سیاستدانوں نے شجاع آباد کے عوام کومحرومیوں کے سوا کچھ نہیں دیا، شیخ ریاض چونے والا

شجاع آباد (نامہ نگار) آزاد امیدوار حلقہ پی پی 221 شیخ ریاض چونے والا نے اپنی رہائش گاہ اندرون چوطاقہ گیٹ میں منعقدہ افطار پارٹی میں عوام سے خطاب کرتے ہوئے کہا کہ گزشتہ 75 برس سے ہمارے روایتی مقامی سیاستدانوں نے اقتدار میں رہنے کے باوجود بھی شجاع آباد تحصیل اور اس کے عوام کو سوائے محرومیوں اور مایوسیوں کے کچھ نہیں دیا، اب موروثی سیاست کا خاتمہ ہونا چاہیے اور متوسط طبقے کے سفید پوش یا غریب آدمی کو آگے آنا چاہیے، افطار پارٹی میں ممبر پنجاب بار رانا طفیل نون، سابق صدر بار رانا یوسف نون، ڈاکٹر شبیر بخاری، ڈاکٹر عالمگیر، تاجر رہنما خواجہ ہاشم، اشرف قریشی سمیت دیگر معززین علاقہ موجود تھے۔