آئی جی پنجاب کا ڈرائیونگ لائسنس کیلئے فائل سسٹم ختم کرنے کا اعلان

لاہور(کر ائم رپو رٹرسے) آئی جی پنجاب عثمان انور نے ڈرائیونگ لائسنس اجراء اور حصول کیلئے فائل سسٹم کو ختم کرنے کا اعلان کر دیا ہے، شہری اب صوبے کے کسی بھی ٹریفک دفتر یا خدمت مرکز میں صرف اپنا قومی شناختی کارڈ لے جا کر اور مجوزہ فیس جمع کروا کر ڈرائیونگ لائسنس حاصل کرسکتے ہیں۔ آئی جی پنجاب نے میڈیا کو بتایا کہ پنجاب میں اڑھائی کروڑ سے زائد موٹرسائیکلیں اور گاڑیاں موجود ہیں جبکہ لائسنس صرف 45 لاکھ لوگوں کے پاس ہیں ادھرسی پی او میںبہترین کارکردگی کے حامل پولیس افسران واہلکاروں کی حوصلہ افزائی کے لئے تقریب میں ڈاکٹر عثمان انور نے65 افسران و اہلکاروں کو فی کس 10 ہزار نقد اور تعریفی اسناد سے نوازا ۔