چوہنگ میں پولیس مقابلہ،2 ڈاکو زخمی حالت میں گرفتار، ایک فرار

لاہور،چوہنگ (کرائم رپورٹرسے،نامہ نگار ) چوہنگ چوکی شیر شاہ کالونی میں پولیس مقابلہ،2 ڈاکو زخمی حالت میں گرفتار ایک فرار ہو گیا، پولیس نےمیلاد چوک کے قریب موٹرسائیکل سوار تین مشکوک افراد کو رکنے کا اشارہ کیا ملزمان نے فائرنگ کر دی ، فائرنگ کے تبادلے میں دو ڈاکو اپنے ساتھی کی فائرنگ سے زخمی ہو گئے جبکہ فائرنگ کرنے والا تیسرا ڈاکو رات کی تاریکی کا فائدہ اٹھاتے ہوئے فرار ہو گیا ،زخمی ڈاکوؤں کی شناخت حیدر اور شہزاد کے نام سے ہوئی ہے، ڈاکوؤں کے قبضہ سے موٹر سائیکل، موبائل فونز ،نقدی اور اسلحہ بھی برآمد ہوا ہے، زخمی ہونے والے ڈاکوؤں کوجناح ہسپتال منتقل کر دیاگیا۔