کئی سرکاری ادارے اورکارپوریشنیں بلیک ہولز ہیں:ٹیکس بار

لاہور (نیوزرپورٹر)پاکستان ٹیکس بار ایسوسی ایشن کے صدر ر رانا منیر حسین اورجنرل سیکرٹری چودھری قمرالزمان نے کہا ہے کہ سرکاری سرپرستی میں چلنے والے کئی ادارے اور کارپوریشنز بلیک ہولز ہیں اس لئے سالانہ اربوں روپے کا خسارہ بچانے کیلئے بلا تاخیر پبلک پرائیویٹ پارٹنر شپ کیلئے اقدامات اٹھائے جائیں ،اس کیلئے بین الاقوامی کنسلٹنٹ کمپنیوں سے سٹڈی رپورٹس تیار کرائی جائیں۔ وفاقی اور صوبائی حکومتوں کی اربوں ، کھربوں روپے کی اراضی بیکار پڑی ہےجسےکمرشل سرگرمیوں کیلئے استعمال میں لایا جائے اور یہاں سے حاصل ہونیوالی آمدن صرف ملکی قرض اتارنے کیلئے مختص کیا جائے ۔ پاکستا ن میں ٹیکسیشن کے نظام میں بھی خلاء ہے ، لاکھوںلوگ ٹیکس نیٹ میں شامل نہیں ، پیچیدہ نظام اور مانیٹرنگ کا موثر نظام نہ ہونے کی وجہ سے اربوں روپے کی ٹیکس لیکلج ہے ۔سرکاری اداروں کی اراضی کمرشل سر گرمیوںکیلئے استعمال کی جائے ۔