انڈسٹری پر ٹیکسوں کا جائزہ لینے کیلئے 2کمیٹیاں تشکیل دیدی گئیں

لاہور(اپنے نامہ نگار سے) صوبائی وزیر صنعت و تجارت ایس ایم تنویر کی زیر صدارت اجلاس میں انڈسٹری کو ٹیکسوں کے حوالے سے درپیش مسائل پر بات چیت کی گئی۔اجلاس میں شریک صنعتکاروں نے ہائی ویز پر موجود انڈسٹری پر پراپرٹی ٹیکس کو ریشنلائز کرنے کا مطالبہ کیاجس پرمحکمہ ایکسائزکے افسران اور صنعتکاروں کے نمائندوں پر مشتمل کمیٹی تشکیل دیدی گئی جو ٹیکسوں کے حوالے سے سفارشات مرتب کرکے پیش کریگی۔پنجاب ریونیو اتھارٹی، محکمہ صنعت و تجارت اور صنعتکاروں کے نمائندوں پر بھی مشتمل کمیٹی شوگر انفراسٹرکچر ڈویلپمنٹ سیس کا جائزہ لے گی۔ صوبائی وزیر صنعت وتجارت ایس ایم تنویر نے کہا کہ صنعتکاروں کے مسائل حل کررہے ہیں۔ملک کی ترقی کیلئے انڈسٹری کا فروغ ضروری ہے۔صوبائی وزیر ایکسائر بلال افضل نے کہا کہ ٹیکسوں کے حوالے سے عید کے بعد سیلف اسیسمنٹ سکیم کا آغاز کیا جائیگا۔