آئی جی پنجاب کا ٹریفک لائسنس اجراء اور حصول کیلئے فائل سسٹم ختم کرنے کا اعلان

ملتان (سٹاف رپورٹر) آئی جی پنجاب کا شہریوں کی سہولت کیلئے تاریخی اقدام ٹریفک لائسنس اجراء اور حصول کیلئے فائل سسٹم کو ختم کرنے کا اعلان شہری اب صوبے کے کسی بھی ٹریفک دفتر یا خدمت مرکز میں صرف اپنا قومی شناختی کارڈ لے جا کر اور مجوزہ فیس جمع کروا کر ڈرائیونگ لائسنس حاصل کرسکتے ہیں،انٹرنیشنل ڈرائیونگ لائسنس کے حصول کیلئے پاسپورٹ کا ہونا ضروری جبکہ ڈرائیونگ ٹیسٹ شہری اپنی گاڑی میں بھی دے سکیں گے،شناختی کارڈ، پاسپورٹ، تصاویر سمیت کسی دستاویز کی کاپی ساتھ لے جانے کی ضرورت اب نہیں ہو گی ۔