پنجاب اسمبلی الیکشن کیلئے 271 امیدوار میدان میں اتار دئیے ، صدر مرکزی مسلم لیگ

ملتان (سٹاف رپورٹر) مرکزی مسلم لیگ کے صدر خالد مسعود سندھو ایڈووکیٹ نے پریس کلب میں کانفرنس کے دوران کہا کہ ہم کھوکھلے نعروں پر نہیں بلکہ عملی خدمت کی سیاست پر عمل پیرا ہیں، پنجاب کے الیکشن میں بھرپور حصہ لیں گے، 271؍ امیدوار پنجاب اسمبلی الیکشن کے لیے میدان میں اتار دیے ہیں، ہم خدمت کی سیاست کا شعور اجاگر کر رہے ہیں، ان کے ہمراہ جنرل سیکریٹری مرکزی مسلم لیگ محمد اعظم چوہدری، میڈیا سیکریٹری طہ منیب، ڈویژنل صدر ملتان میاں سہیل احمد اور ملتان سے پنجاب اسمبلی کے الیکشن کے لیے نامزد امیدوار بھی موجود تھے، مرکزی مسلم لیگ ملتان کی سیاسی تنظیم کا اعلان کیا گیا، جس میں حافظ محمد حنیف قریشی ایڈووکیٹ کو ملتان کا صدر، اے ایم ساجد کو نائب صدر، خواتین ونگ ملتان کی صدر زیب النسا، صدر مسلم یوتھ لیگ شیخ سلیمان الہی، صدر مسلم سٹوڈنٹس لیگ محمد اسامہ اور عبدالقدیر کو میڈیا کوآرڈینیٹر نامزد کیا گیا۔