پاکستان متاثرہ ملک ، موسمیاتی ایمرجنسی کا اعلان کیا جائے، شیری رحمان

19 اپریل ، 2023

اسلام آباد (اپنے نامہ نگار سے)وفاقی وزیر موسمیاتی تبدیلی سنیٹر شیری رحمان نے کہا ہے کہ پاکستان موسمیاتی تبدیلیوں سے متاثرہ ممالک میں صف اول پر ہے۔ پاکستان میں موسمیاتی ایمرجنسی کا اعلان کیا جانا چاہئے۔ انہوں نے یہ باتیں عورت فاؤنڈیشن کی جانب سے جازبا پروگرام کے تحت مقامی ہوٹل میں منعقدہ سیمینار میں کہیں، شیری رحمان نے کہا کہ یہ خواتین ہی ہیں جو ہماری زراعت اور معیشت کے پہیے کو گھماتی ہیں، انہوں نے کہا کہ خواتین گھر چلانے کی ذمہ دار ہیں لیکن پھر بھی یہ تعداد سرکاری اعداد و شمار میں ظاہر نہیں ہوتی۔عورت فاؤنڈیشن کے ایگزیکٹو ڈائریکٹر نعیم مرزا ،ڈاکٹر عالیہ ہاشمی خان، چیئرپرسن بورڈ آف گورنرز ایس ڈی پی آئی ایمب شفقت کاکاخیل ،ڈویلپمنٹ اور ہیڈ آف کوآپریشن کینیڈین ہائی کمیشن قونصلر لیوک مائرز، رکن قومی اسمبلی ڈاکٹر شاہدہ رحمانی سمیت دیگر نے بھی خطاب کیا۔