عید کی خوشیوں میں محتاجوں، غریبوں ا ور یتیموں کو شریک کیا جائے ، مولانالونی

کوئٹہ (آئی این پی ) جمعیت علماء اسلام نظریاتی کے مرکزی سینئر نائب امیر مولاناعبدالقادر لونی، مرکزی جنرل سیکرٹری مفتی شفیع الدین ،مرکزی سرپرست اعلیٰ مولانا ڈاکٹر شمس الہدیٰ، مرکزی نائب امیر مولانا عبدالرؤف ،مرکزی ڈپٹی جنرل سیکرٹری نجیم خان ایڈووکیٹ، مرکزی جوائنٹ سیکرٹری مولانامحمودالحسن قاسمی ،مرکزی سیکرٹری سید حاجی عبدالستارشاہ چشتی ،مرکزی سیکرٹری مالیات حاجی حیات اللہ کاکڑ، امیر سندھ مولاناعزیزاحمدشاہ امروٹی ،امیر خیبر پختونخوا قاضی گل الرحمنٰ نکیال، امیر پنجاب مولانا ثناء اللہ شاہ فاروقی ،امیر اسلام مولانا قاضی شمس الحق ودیگر نے کہا ہے کہ عید کی خوشیوں میں محتاجوں، غریبوں، یتیموں کو شریک اور ان کی مدد، معاونت، حاجت روائی اور دلجوئی کرنا دین اسلام کا بنیادی درس ہے ،محسن انسانیت نبی کریم محمد صلی اللہ علیہ و سلم نے نہ صرف حاجت مندوں کی حاجت روائی کرنے کا حکم دیا بلکہ عملی طور پر آپ صلی اللہ علیہ و سلم خود بھی ہمیشہ غریبوں،یتیموں، مسکینوں اور ضرورتمندوں کی مدد کرتے، انہوں نے کہا کہ عیاشیوں خرافات پرخرچ کرنے کی بجائے یتیموں اور ناداروں پرخرچ کیا جائے ، انہوں نے کہا کہ عید کا دن ایثار، ہمدردی وغمگساری کا مظہر ہے، کوئی بھی قوم ایثار وہمدردی اورقربانی کے جذبے کے بغیرترقی نہیں کرسکتی ،ایثاروہمدردی اور قربانی کا مقصد خود کو رب کریم کے حکم کے تابع کرنا ہے اس عظیم مقصد کے لیے خواہشات ومفادات کواعلیٰ مقاصد کے لیے قربان کرنا ہے۔