ہتھنی نور جہاں کے زندہ رہنے کی امید دم توڑ رہی ہے

کراچی (طاہر عزیز۔۔نمائندہ جنگ) پورے پاکستان میں ہاتھی اس وقت صرف 4 اور وہ بھی کراچی میں ہیں ان میں ایک کراچی چڑیا گھر میں زیر علاج ہتھنی نور جہاں کے زندہ رہنے کی امید ختم ہوتی جارہی ہےتین دن ہوگئے اٹھکر بیٹھ نہ سکی کرین کے ذریعے کروٹ دی جا رہی ہےمعائنہ کرنے والی ڈاکٹروں کی بین الاقوامی ٹیم (فورپاز)کے سربراہ ڈاکٹر عامر خلیلی جو اب تک پاکستان آکر تین مرتبہ معائنہ اور علاج کر چکے ہیں ذرائع کے مطابق گزشتہ ہفتے آخری بار چڑیا گھر حکام کو یہ کہہ کر گئے تھے کہ اگر ایک بار یہ بیٹھ گئی تو اٹھ نہیں سکے گی اور عملاً ایساہی ہوا ہے کہ ہتھنی جب تا لاب میں بیٹھی تو اٹھ نہ سکی اور اسے کرین کے ذریعے باہر خشکی پر نکالا گیا اور مٹی ڈال کرلٹایاگیا اب وہیں اس کا علاج کیا جا رہا ہے وہ خود کروٹ نہیں لے سکتی البتہ خوراک لے رہی ہے18سالہ نورجہاں کے ساتھ مدھوبالا ہتھنیوں کا جوڑا تنزانیہ سے کراچی چڑیا گھر لایا گیا تھا جن میں مدھو بالا صحت مند ہے دوسرا مادہ ہاتھیوں کا جوڑا سفاری پارک میں ہے اس طرح پورے پاکستان میں اس وقت چار ہاتھی ہیں اور یہ چاروں کراچی میں ہیں جو کہ کراچی کے شہریوں خاص کر طلبہ اور بچوں کے لئے اہم اثاثہ ہیں۔