سکھر ،مٹی کا طوفان وبارش، بجلی و مواصلات کا نظام درہم برہم

سکھر (بیورورپورٹ ) سکھر اور گرد و نواح کے علاقوں میں مٹی کا طوفان گردآلود تیز ہوائیں، اور بارش کے باعث بجلی اور مواصلات کا نظام درہم برہم ہو کر رہ گیا، کئی علاقوں میں چھتوں سے سولر پلیٹیں، سائن بورڈ گر گئے، بارش اور تیز آندھی کی وجہ سے سیپکو سرکل دادو لاڑکانہ اور سکھر میں 152 فیڈر ٹرپ کر گئے سکھر روہڑی سمیت مختلف اضلاع کے متعدد علاقے تاریکی میں ڈوب گئے، سیپکو حکام کے مطابق 152 فیڈر ٹرپ کر جانے کے باعث دادو ، بھان سعیدآباد ، جوہی ، کے این شاہ ، واھی باندھی ،مورو، نوشہرو فیروز ، پڈعیدن، کنڈیارو ،ٹھاروشاہ، بھریا روڈ، نصیرآباد، رحمانی نگر، رسول آباد ، گمبٹ، خیرپور، ٹھری میر واہ ، کوٹڈیجی ،سکھر، سٹی سکھر، سائٹ ایریا ، روہڑی ، سکھر ٹاؤن شپ میں بھی بجلی کی فراہمی معطل ہوگئی، متاثرہ علاقوں میں بجلی کی فراہمی کے لیے اقدامات کیے جا رہے ہیں۔