صدر علوی کو عہدے سے ہٹانے کیلئے سپریم کورٹ میں درخواست دائر

اسلام آباد(مانیٹرنگ ڈیسک) سپریم کورٹ میں صدر مملکت عارف علوی کو عہدے سے برطرف کرنےکیلئے درخواست دائرکردی گئی۔درخواست شہری چوہدری محمد امتیاز نے دائرکی ہے، درخواست میں صدر عارف علوی کو فریق بناتے ہوئے موقف اختیار کیا گیا کہ عارف علوی صدر کے عہدے کے اہل نہیں رہے، صدر ایک سیاسی جماعت سے منسلک اور جانبدار ہیں،انہوں نے حکومت کی قانون سازی کو سیاسی جماعت کے چیئرمین کےکہنے پر منظور نہیں کیا، پارلیمان کے بھیجےگئے سپریم کورٹ پروسیجربل کی منظوری نہیں دی، سپریم کورٹ انہیں فوری عہدے سے برطرف کرے۔صدر نے نیب ترامیم بل اور اسلام آباد لوکل گورنمنٹ ایکٹ پربھی دستخط سےانکار کیا۔ صدرکا اپنی آئینی ذمہ داریوں سے انکار ظاہرکرتا ہےکہ وہ صدر کے عہدے کے اہل نہیں، اس لیے انہیں برطرف کیا جائے۔