اسلام آباد (نیوز ایجنسیاں) اقتصادی رابطہ کمیٹی (ای سی سی) نے ادویات 14سے 20فیصد تک مہنگی کرنے کی منظوری دیدی، دوا ساز کمپنیاں جان بچانے والی ادویہ کی قیمتوں میں 14 اور دیگر تمام دوائوں میں 20 فیصد تک اضافہ کرسکیں گی، ای سی سی نے روز ویلٹ ہوٹل دوبارہ کھولنے، سندھ کو گندم 4ہزار روپے من کے حساب سے خریدنےاور وزارت داخلہ کو 45 کروڑ روپے کی تکنیکی ضمنی گرانٹ فراہم کرنے کی منظوری دیدی، اقتصادی رابطہ کمیٹی کو بتایا گیا کہ نیویارک حکومت روز ویلٹ ہوٹل کو 200 ڈالر فی کمرہ یومیہ کرائے پر لینے کی خواہش مند ہے۔ وفاقی وزیر خزانہ اسحاق ڈار کی زیر صدارت کابینہ کی اقتصادی رابطہ کمیٹی کا اجلاس جمعہ کو منعقد ہوا۔ ای سی سی نے روز ویلٹ ہوٹل نیویارک دوبارہ کھولنے کیلئے وزارت ایوی ایشن کی سفارشات کی منظوری دیدی ،ای سی سی نے 1.145 ملین ڈالر کے دستیاب فنڈز روزویلٹ ہوٹل دوبارہ کھولنے کیلئے استعمال کرنے کی بھی اجازت دیدی ہے۔وفاقی وزیر برائے بجلی خرم دستگیر خان، وفاقی وزیر برائے صنعت و پیداوار سید مرتضیٰ محمود، شاہد خاقان عباسی ایم این اے/سابق وزیراعظم، وزیر مملکت برائے خزانہ و محصولات ڈاکٹر عائشہ غوث پاشا، وزیر مملکت برائے پٹرولیم مصدق مسعود ملک، ایس اے پی ایم برائے خزانہ طارق باجوہ، ایس اے پی ایم برائے ریونیو طارق محمود پاشا، وزیر اعظم کے کوآرڈی نیٹر برائے اقتصادیات بلال اظہر کیانی، وفاقی سیکریٹریز اور دیگر سینئر افسران نے اجلاس میں شرکت کی۔ وزارت ہوا بازی نے روزویلٹ ہوٹل، نیویارک کو دوبارہ کھولنے کے بارے میں ایک سمری پیش کی اور بتایا کہ پی آئی اے انویسٹمنٹ لمیٹڈ (پی آئی اے-آئی ایل) انتظامیہ کو نیویارک سٹی حکومت کی جانب سے ہوٹل (1,025 کمروں) کو استعمال کرنے کا موقع ملا ہے۔ تارکین وطن کے کاروبار کیلئے تین سال کی مدت میں فی کمرہ فی دن 200 ڈالر ہے۔ ای سی سی نے بحث کے بعد وزارت کی سفارشات کی منظوری دی اور نیویارک سٹی گورنمنٹ اور ہوٹل یونین کے ساتھ مذاکرات کیلئے سیکرٹری ایوی ایشن ڈویژن کی سربراہی میں چار رکنی مذاکراتی کمیٹی کی تشکیل کی منظوری دی۔ ای سی سی نے آر ایچ سی/آئی ایل - پی آئی اےکو ہوٹل میں دوبارہ کھولنے کے کام کو شروع کرنے کیلئے پل فنانسنگ کے طور پر دستیاب بیلنس سے 1.145 ملین ڈالر کے فنڈز استعمال کرنے کی بھی اجازت دی۔ وزارت نیشنل ہیلتھ سروسز، ریگولیشنز اینڈ کوآرڈینیشن نے پاکستانی روپے کی قدر میں کمی اور مہنگائی کے تناظر میں ڈریپ کے پالیسی بورڈ کی سفارشات پر مبنی ادویات کی زیادہ سے زیادہ خوردہ قیمتوں میں اضافے کی سمری پیش کی۔ مارکیٹ میں ادویات کی مسلسل دستیابی کو یقینی بنانے کیلئے، ای سی سی نے ایک وقتی ڈسپنسیشن کے طور پر اجازت دی، مینوفیکچررز اور درآمد کنندگان کو ضروری ادویات کی موجودہ ایم آر پیز میں (14 فیصد کی حد کے ساتھ) اور ایم ار پیز میں 70 فیصد اضافے کے برابر بڑھانے کی اجازت دی۔ دیگر تمام ادویات اور کم قیمت والی دوائیں موجودہ سال یعنی یکم جولائی 2022 سے 01 اپریل 2023 کے درمیان اوسط سی پی آ ئی کی بنیاد پر 70 فیصد تک اضافہ (20 فیصد کی حد کے ساتھ) اس شرط کے ساتھ کہ اسے سالانہ سمجھا جائے۔ مالی سال 2023-24 کیلئے اضافہ اور اگلے مالی سال میں اس زمرے کے تحت کوئی اضافہ نہیں کیا جائیگا۔ ای سی سی نے پالیسی بورڈ کو مزید مشورہ دیا کہ وہ جولائی 2023 میں تین ماہ کے بعد صورتحال کا جائزہ لے اور اگر پاکستانی روپے کی قدر بڑھ جاتی ہے تو قیمتوں میں کمی کے حوالے سے اپنی سفارشات وفاقی حکومت کو دیں۔ ای سی سی نے کیش کریڈٹ کی حد کے ساتھ گندم کی فصل 2022-23 کیلئے سندھ، پنجاب اور بلوچستان کے صوبوں کیلئے گندم کی خریداری کے اہداف کے تعین سے متعلق وزارت نیشنل فوڈ سکیورٹی اینڈ ریسرچ کی سمری پر غور اور منظوری دی۔ حکومت سندھ نے 1.400 ایم ایم ٹی کی خریداری کا ہدف مقرر کیا ہے جس کی خریداری کی قیمت 4000/40 کلوگرام ہے۔اجلاس میں روپے کی قدر میں کمی کے تناظر ادویات ساز کمپنیوں کو ادویات کی قیمتوں میں ایک مرتبہ کیلئے اضافے اوروزارت داخلہ کو 45کروڑ روپے کی تکنیکی ضمنی گرانٹ فراہم کرنے کی منظوری دی گئی۔ای سی سی نے گندم کی خریداری کے اہداف کی بھی منظوری دی، سندھ حکومت چارہزار روپے فی چالیس کلوکے حساب سے ایک ہزار چار سو ملین میٹرک ٹن،پنجاب حکومت تین ہزار نو سو روپے فی چالیس کلو گرام کے حساب سے 3500 ملین میٹرک ٹن اوربلوچستان حکومت ایک لاکھ میٹرک ٹن گندم خریدے گی ۔ ای سی سی نے وزارت داخلہ کے حق میں 450 ملین تکنیکی ضمنی گرانٹ کے طور پر آئی سی ٹی پولیس کی ذمہ داریوں اور بھرتی کی تربیت سے متعلق آپریشنل ضروریات کو پورا کرنے کیلئے منظوری دیدی۔
لاہور محکمہ خزانہ پنجاب نے مالیاتی استحکام کی جانب متعدد کامیابیاں حاصل کی ہیں جن سے مالیاتی انتظام کو موثر...
اسلام آباد پاکستان میں مشروبات بنانے والی کمپنیوں نے گزشتہ 5سال میں صرف لاہور سے مجموعی طور پر 2ارب 60کروڑ...
اسلام آباد نیوز ایجنسی ) وفاقی وزیر خزانہ سینیٹر محمد اورنگزیب سعودی عرب کے تاریخی شہر العلا میں العلا...
پشاورپی ٹی آئی رہنمائوں کی تنقید کے بعد خیبرپختونخواحکومت کے ترجمان بیرسٹر سیف نے وزیراعلی کواستعفیٰ پیش...
اسلام آبادوزیر خزانہ سینیٹر محمد اورنگزیب سعودی عرب کے تاریخی شہر العلا میں ایمرجنگ مارکیٹس کانفرنس 2025 میں...
ڈی آئی خانجمعیت علماء اسلام کے سربراہ مولانا فضل الرحمٰن کی جان کو خطرہ لاحق ہونے کے پیش نظر پولیس نے تھریٹ...
ٹیکساس امریکی کانگریس میں ایک نیا بِل پیش کیا جا رہا ہے، جس کے تحت ان وفاقی ججز کے خلاف مواخذے کی کارروائی کا...
لاہور وزیراعلیٰ پنجاب مریم نوازشریف نے کہاکہ ایگریکلچر میکانائزیشن صرف آغاز ہے،سپر سیڈرز سےگندم کی بوائی...