عوام کو صحت کی سہولتیں فراہم کرنے کیلئے تمام وسائل بروئے کار لانے کاحکم

مظفر گڑھ( نامہ نگار ) ڈپٹی کمشنر سلمان خان لودھی نے کہا ہے کہ عوام کو صحت سے متعلق سہولیات فراہم کرنے لیے تمام تر وسائل کو بروئے کار لایا جائے، ضلع کے عوام کوڈینگی اور کورونا سے بچاؤ اور 5سال تک کے بچوں پولیو سے محفوظ بنانے کیلئے ہر ممکن اقدامات کیے جائیں، یہ بات انہوں نے محکمہ صحت کے افسران کیساتھ اجلاس کی صدارت کرتے ہوئے کہی، انہوں نے کہا کہ موسم گرم کے آمد کے ساتھ ہی مچھروں کی افزائش شروع ہوجاتی ہے، ایسے میں ڈینگی مچھروں کی افزائش بھی ممکن ہے لہٰذا اس سے بچاؤ کیلئے فوری اقدامات کیے جائیں، اس سلسلے میں کسی قسم کی سستی یا کوتاہی ہر گز برادشت نہیں کی جائے گی، ڈپٹی کمشنر نے مزید کہا کہ ضلع میں 5سال تک کی عمر کے بچوں کو پولیو سے محفوظ بنانا اور اس کو ملک بھر سے خاتمے کیلئے عملی اقدامات کرنا ہم سب کی مشترکہ ذمہ داری ہے، اس سلسلے میں عوام میں آگہی فراہم کی جائے کہ وہ ہر مہم کے دوران اپنے 5سال تک کی عمر کے ہر بچے کو پولیو سے بچاؤ کی ویکسین کے قطرے ضرور پلوائیں، انہوں نے کہا کہ پولیو مہم سے قبل ضروری اقدامات کیے جائیں، مائیکرو پلان پرعمل کیا جائے اور اس بات کو یقینی بنایا جائے کہ ہر بچے کو ویکسین کے قطرے پلائے جائیں۔