سندھ حکومت قومی گیمز کیلئے صوبائی دستے کو ایک کروڑ دینے پر آمادہ

کراچی( نصر اقبال/ اسٹاف رپورٹر) قومی گیمز کے لئے چاروں صوبوں میں ٹیموں کے ٹرائلز شروع ہوگئے، منتظمین نے سیلنگ مقابلوں کی میزبانی کراچی کے حوالے کردی ہے ، سندھ حکومت نے ٹیموں کی تیاری اور روانگی کے لئے سندھ اولمپکس ایسوسی ایشن کو ایک کروڑ روپے کی گرانٹ دینے پر رضامندی ظاہر کردی ہے۔ سکریٹری ایس او اے احمد علی راجپوت نے بتایا ہے کہ سندھ کے کھلاڑی فٹبال، ہینڈ بال، ریسلنگ اور گالف میں حصہ نہیں لیں گے ، سندھ کے کھلاڑی32 میں سے 28ایونٹ میں ایکشن میں نظر آئیں گے۔گیمز مشعل روشن کرنے کی تقریب پانچ یا چھ مئی کو مزار قائد پر ہوگی، مشعل مختلف شہروں سے گذر کر کوئٹہ پہنچے گی ۔افتتاحی تقریب 22مئی کو ایوب اسٹیڈیم میں ہوگی،کھلاڑیوں اور آفیشلز کی رہائش کے لئے مختلف ہوٹلوں میں ایک ہزار کمرے بک کئے گئے ہیں ۔