لودھراں(نمائندہ جنگ) ڈپٹی کمشنر سید مشہد رضا کاظمی نے میونسپل اسسٹیڈیم لودھراں میں منعقدہ کسان کپاس میلہ و کاٹن بازار کا باقاعدہ افتتاح کر دیا ہے ۔ اس موقع پر اسسٹنٹ کمشنر لودھراں اشرف صالح، ڈپٹی ڈائریکٹر زراعت(توسیع) محمد ظفر ملک سمیت دیگر افسران بھی اُن کے ہمراہ تھے۔ ڈپٹی کمشنر سید مشہد رضا کاظمی نے کہاکہ نگران حکومت پنجاب کی جانب سے کاٹن بازار کا قیام نہایت احسن اقدام ہے۔ انہوں نے مزیدکہاکہ کاٹن بازار و کسان میلہ میں کپاس کے کاشتکاروں کےلئے ایک ہی چھت تلے معیاری بیج اور زرعی ادویات دستیاب ہیں۔ انہوں نے مزیدکہاکہ کاٹن بازار میں محکمہ زراعت اور پیسٹ وارننگ کا عملہ کپاس کے کاشتکاروں کےلئے مفید مشورے اور موقع پر معائنے کےلئے موجود ہیں۔ انہوں نے کہاکہ کسان میلہ و کاٹن بازار میں کپاس سے متعلق بیج، زرعی ادویات سرکاری نرخوں پر فراہم کی جار ہی ہیں۔ انہوں نے کہاکہ کاٹن بازار کسانوں و کاشتکاروں کی سہولت کےلئے ایک ماہ تک جاری رہے گا اور کسان صبح 9 بجے سے شام 4 بجے تک بلاتفریق اس سہولت سے مستفید ہو سکتے ہیں۔ ڈپٹی کمشنر سید مشہد رضا کاظمی نے کہاکہ نگران حکومت پنجاب کاشتکاروں کو کپاس کی بہتر قیمت کو یقینی بنانے کےلئے مکمل پرعزم ہے۔
لاہورلاہور میں پہلی مرتبہ اپنی نوعیت کی انوکھی شادی کی تقریب منعقد ہوئی، جسے دوسرے ممالک کے لوگ دیکھنے...
کراچی کراچی میں کئی ہفتوں سے مقیم اور میڈیا کے زیربحث امریکی خاتون اونیجا اینڈریو رابنسن کو جناح اسپتال...
کراچی ملک بھر کے مزید 26 اضلاع کے ماحولیاتی نمونوں میں پولیو وائرس کی تصدیق ہوگئی۔قومی ادارہ صحت کی رپورٹ کے...
ملتان 12 کلوگرام چرس اور 3 کلوگرام ہیروئن برآمد، تین منشیات فروش گرفتار، پولیس تھانہ مظفرآباد نے ملزمان...
نئی دہلی بھارت میں نئے بجٹ کے دوران تنخواہ دار طبقے کیلئے ریلیف، 12 لاکھ انڈین روپے کی سالانہ آمدن عملی طور...
کراچی جیوکے پروگرام ”رپورٹ کارڈ“ میں میزبان علینہ فاروق شیخ کے سوال حکومت کا ریئل اسٹیٹ سیکٹر پر ٹیکس کم...
لاہور 26 ویں آئینی ترمیم کیخلاف لاہور ہائیکورٹ بار کے زیر اہتمام وکلاء کنونشن ہوا، صدر ہائی کورٹ بار اسد...
ملتان آئی سی سی نے سہ فریقی ون ڈے سیریز کے لیے میچ آفیشلز کا اعلان کر دیا، آسٹریلیا کے ڈیوڈ بون پاکستان،...