اوتھل، تیز بارش،کراچی کوئٹہ رابطہ منقطع

اوتھل (این این آئی) بیلہ کے قریب کشاری پل پر مسافر کوچ بڑے حادثے سے بچ گئی۔جمعہ کومین آر سی ڈی شاہراہ پر کراچی سے پنجگور جانے والی مسافر کوچ بیلہ کے قریب کشاری پل پر بڑے حادثے سے بچ گئی۔شدید بارش اور پھسلن کی وجہ سے کوچ گہرے گڑھے کی وجہ سے اپنا توازن برقرار نہ رکھ سکی اورپل کی سائیڈ پر لگے کنکریٹ سے ٹکرا کر ہوا میں معلق ہوگئی۔ مقامی لوگوں نے بروقت پہنچ کر مسافروں کو پچھلے ایمرجنسی دروازے سے ریسکیو کیا۔مسافر کوچ کے پل پر معلق ہونے سے کراچی سے کوئٹہ آنے اور جانے والی ٹریفک بلاک ہوگئی۔نیشنل ہائی وے اتھارٹی کی اپنے فرائض سے غفلت و چشم پوشی کے باعث کافی عرصہ گزرنے کے باوجود پل کا شگاف پر نہ کر سکی۔ واضح رہے کہ ایک ماہ قبل اسی پل پر کوچ حادثے میں 40 کے قریب مسافر زندہ جل گئے تھے۔