ویدرسپون پب سے سرکاری دستاویزات ملنے پر رائل نیوی کی انویسٹی گیشن

لندن (پی اے) رائل نیوی کا کہنا ہے کہ وہ ویدرسپون پب کے بیت الخلا میں مبینہ طور پر سرکاری حساس کے طور پر نشان زدہ دستاویزات ملنے کے بعد تحقیقات کر رہی ہے۔ برطانوی اخبار سن کے مطابق فائلز میں ایچ ایم ایس انسن کے بارے میں تفصیلات موجود ہیں، جو نیوی کے ایڈوانسڈ جہازوں میں سے ایک ہے۔ اخبار کا کہنا ہے کہ فائلز بیروان فرنس کے فرنس ریلوے پب میں رہ گئی تھیں۔ ایک ذریعے کے مطابق وہ ٹوائلٹ کے کیوبیکل فلور پر پڑی ملی تھیں۔ نیوی نے کہا کہ وہ جینرک پیپرز تھے، جن میں کوئی کلاسیفائیڈ انفارمیشن نہیں تھیں۔ رائل نیوی کے ترجمان نے ایک بیان میں کہا کہ یہ جینرک ٹریننگ ڈاکومنٹس ہیں، جن میں کوئی کلاسیفائیڈ انفارمیشن نہیں ہیں لیکن ہم تمام سیکورٹی معاملات کو انتہائی سنجیدگی سے لیتے ہیں اور ان دستاویزات کی ڈسکوری کے تمام حالات کی چھان بین کریں گے۔ بی بی سی نے ان دستاویزات کو نہیں دیکھا۔ ایچ ایم ایس انسن نیوکلیئر پاور نٹک سب میرین ہے، جو کمبریا میں بیرو ان فرنس میں بی اے ای سسٹمز کے شپ یارڈ میں بنائی گئی تھی اور یہ اس پب کے بالکل قریب ہے، جہاں سے یہ مواد ملا ہے۔ یہ 97 میٹر لمبی (318 فٹ) 7,800 ٹن وزنی ہے۔ یہ بحریہ کے بیڑے میں شامل ہونے اور نیوکلیئر پاور سے چلنے والی پانچویں نئی ایسٹیوٹ کلاس اٹیک سب میرین ہے۔ منسٹری آف ڈیفنس کا کہنا ہے کہ ایسٹیوٹ کلاس سب میرنز رائل نیوی کے ذریعے آپریٹ کی جانے والی انتہائی ایڈوانسڈ اور پاور فل اٹیک سب میرنز ہیں اور سب میرین انسن سرفیس پر دوبارہ آئے بغیر دنیا کا چکر لگانے کی صلاحیت رکھتی ہے۔ ہنٹر کلر سب میرین اب کلائیڈ سکاٹ لینڈ میں ہز میجسٹی نیول بیس پر ہے۔ ایک ذریعے نے اخبار سن کو بتایا کہ فائلز کو ایک کیوبیکل فلرز پر دریافت کیا گیا تھا۔