حسان نیازی کی ضمانت پر نظرثانی اپیل کی سماعت 2مئی تک ملتوی

اسلام آباد ( نیوز ایجنسیاں ) اسلام آباد کی ضلعی عدالت نے عمران خان کے فوکل پرسن حسان خان نیازی کی ضمانت پر نظرثانی اپیل پر سماعت2مئی تک ملتوی کردی۔ گذشتہ روز ڈسٹرکٹ اینڈ سیشن کورٹ اسلام آباد میں عمران خان کے فوکل پرسن حسان خان کی ضمانت پر نظرثانی اپیل پر سماعت ہوئی،ایڈیشنل سیشن جج سکندرخان کی عدالت میں حسان خان نیازی پیش ہوئے اورعمران خان کے وکیل انتظار پنجوتھا اور خالد چوہدری عدالت پیش ہوئے ۔ وکیل انتظار پنجوتھا نے کہا کہ آج کل حکومت پی ٹی آئی رہنماؤں کو پورے ملک میں سیر کروانے کے موڈ میں ہے جس پر عدالت نے کہا کہ حسان خان نیازی کی سیر و تفریح تو مکمل ہوگئی ہے،پراسیکیوٹر اور تفتیشی افسر عدالت کے روبرو پیش نہیں ہوئے جبکہ ایڈیشنل سیشن جج سکندرخان نے کیس کی سماعت 2 مئی تک ملتوی کردی۔