سعودی عرب اور ایران جلد اپنے سفارتخانے کھول د ینگے ،ایرا نی وزیر خارجہ

بیروت(صباح نیوز)ایران کے وزیر خارجہ حسین امیر عبدالہیان نے کہا ہے کہ چند روز میں سعودی عرب اور ایران میں ایک دوسرے کے سفارتخانے پھر سے کھول دیئے جائیں گے۔ بیروت میں میڈیا سے گفتگو کرتے ہوئے انہوں نے بتایا کہ ریاض اور تہران میں سفارتخانے پھر سے کھولے جارہے ہیں، تاہم انہوں نے حتمی تاریخ کا اعلان نہیں کیا۔انہوں نے کہا کہ گزشتہ ماہ چین کی ثالثی میں کیے گئے سفارتی مشن بحال کرنے کے ا تاریخ ساز معاہدے پر کامیابی سے عملدرآمد جاری ہے۔