ایک طرف مذاکرات، دوسری طرف گرفتاریاں،ڈارو دیگر کی پارٹی میں کوئی حیثیت نہیں، فواد چوہدری

اسلام آباد (جنگ رپورٹر،این این آئی)سابق وزیر اعلی پنجاب پرویز الٰہی کے گھر پر چھاپے پر کی مذمت کرتے ہوئے پاکستان تحریک انصاف کے سینئر رہنما فواد چوہدری نے ردعمل دیتے ہوئے کہا ہے کہ یک طرف مذاکرات، دوسری طرف گرفتاریاں، ثابت ہوا کہ اسحاق ڈار، سعدرفیق، اعظم نذیرتارڑ کی پارٹی میں کوئی حیثیت نہیں۔اپنے بیان میں انہوں نے کہا کہ پرویزالٰہی کے گھر پر چھاپے کی شدید مذمت کرتے ہیں۔ادھر فواد چوہدری نے کہا ہے کہ ہماری قیادت نے حکومت سے انتخابات کے حوالے سے مذاکرات کا عمل جاری رکھنے کا فیصلہ کیا ہے اور ہم مذاکرات کو سبوتاژ کرنے کی کوششوں کو مسترد کرتے ہیں، تحریک انصاف نے فیصلہ کیا ہے کہ سپریم کورٹ کے احکامات کو مدنظر رکھا جائے گا،منگل کو حتمی ایجنڈا پر بات ہو گی،انہوں نے مردم شماری پر تحفظات کااظہارکرتے ہوئے کہا ہے کہ نئی مردم شماری کے نتائج تباہ کن ہیں،کراچی کی ایک اور پنجاب کی سات قومی اسمبلی کی نشستیں کم کی جا رہی ہیں، اوریہ سارا عمل ہی انتہائی متنازعہ اور ناقابل یقین ہے،انہوں نے کہا ہے کہ صرف انتخابات کو رکوانے کیلئے غلطیوں سے بھرپور طریقہ کار اختیار کیا گیا ہے ،جس کے نتیجے میں ملک کو شدید نقصان پہنچے گا۔