نیوزی لینڈ کے خلاف دوسرے ون ڈے میں احسان اللہ کا ڈیبیو

راولپنڈی(سپورٹس رپورٹر) پنڈی اسٹیڈیم میں نیوزی لینڈ کے خلاف دوسرے ون ڈے انٹر نیشنل میں پاکستان نے فاسٹ بولر احسان اللہ کو ون ڈے ڈیبیو کرایا پہلے اسپیل میں وہ پریشر میں دکھائی دیئے اور چھ اوورز میں44رنز دے دیئے انہیں شاہین شاہ آفریدی کی جگہ کھلایا گیا۔احسان اللّٰہ نے کہا ہے کہ پاکستان کےلیے پرفارمنس دینے کی کوشش کروں گا۔ احسان اللّٰہ نے قومی ٹیم میں اپنی سلیکشن سے متعلق جذبات اور ڈریسنگ روم میں اپنے احساسات کا اظہار کیا۔انہوں نے کہا کہ ڈریسنگ روم میں بیٹھ کر بہت تجربہ حاصل کیا۔ پاکستان کےلیے پرفارمنس دینے کی کوشش کروں گا جبکہ ڈیبیو پر بھی بہترین پرفارمنس دینے کی کوشش کروں گا۔بولنگ کوچ عمر گل، عبدالرحمان اور شاہین آفریدی نے حوصلہ بڑھایا۔ کپتان بابر اعظم نے ناشتے کی ٹیبل پر ڈیبیو کےلیے نیک خواہشات کا اظہار کیا۔